karthism

பிரகாரங்களின் வெளிச் சுவரருகில் அணியணியாய்க் கழற்றி வைக்கப்படும் காலணிகள் கடவுள் சுற்றி வெளிவருகையில் கலைந்தே கிடைக்கின்றன பூர்த்தியாகவிருக்கும் சில எதிர்பார்ப்புகளின் அவசரத்தாலும் கொஞ்சம்  அலட்சியத்தாலும்.

## தனித்தனியாய்ப் படித்திருந்தும் தேர்வில் ஆற்றில் மிதந்தது மரத்தின் தன்வரலாறு ## பாதி பதில் பரண் மேல்.. கோடிட்ட இடம் குறைவு ## இடஞ் சுட்டிப் பொருள் விளக்கினான் கேட்டபோதெல்லாம் முன்னாலெழுதுபவன்

கொஞ்சமேனும் மழை வைத்திருக்கிறான் நிழற்படக்காரன் நனையவியலாமல் நிறையத் தொலைத்தும்.

முருகன் டாலர் சட்டைக்கு வெளியே இருப்பது பத்தாவது பரீட்சை எழுத முதன் முதலில் எடுத்தது கூலிங் கிளாஸ் போட்டது நாங்கள் நண்பர்கள் சேர்ந்து சென்று தனித் தனியே எடுத்துக் கொண்டது இன்றும் வீட்டுக்குத் தெரியாது அடுத்தது விண்ணப்பத்திற்கு. கருப்பு கோட் சிவப்பு டை காம்பினேஷன் வேலை கிடைக்காவிட்டாலும் கல்யாணம் கூட்டிக் கொடுத்தது. ரொம்ப நாள் இருந்தது அப்புறம் வங்கிக்கணக்குக்கு ஒருதரமும் வண்டி வாங்கியபோது ஒருதரமும் ரேஷன் கார்டுக்கு அதிலொன்றையே டெவலப் செய்ததாய் நினைவு அதற்கப்புறம் எடுத்ததெல்லாம் டிஜிட்டல் இடது நெற்றித் தழும்பில்லாமல் பளிச்சென்றிருக்கும். இப்போது நீங்கள் பார்த்து விட்டு வந்திருப்பது கூட டிஜிட்டல் தான் எனக்கு அவ்வளவாகப் பிடிக்காது லைப் இன்சூரன்ஸ்க்காக எடுத்தது மகனுக்கோ மருமகளுக்கோ பிடித்துப் போயிருக்க வேண்டும் நாளிதழ்களுக்குக் கொடுத்துவிட்டார்கள் தோற்றம் மறைவு தேதிகளோடு.

ரயிலில் நான்.. சன்னலோரச் செடிகளோடு மனம் அதே வேகத்தில் உன்னோக்கி

அம்மா ஆடு இலை ஈ.. மட்டன் பிரியாணி ஞாபகம் வந்து விடுகிறது இந்த வயதில் படிக்கும் போது. 

பள்ளி நிறுத்தம்  தாண்டிவிட்டது நடத்துனன் நிம்மதியானான் இடம் கிடைத்தவர்கள் அமர்ந்து கொண்டார்கள்   நான் தூங்கத் தொடங்கினேன் எவர் பையிலும் புத்தகமில்லை.

வெள்ளைச் சட்டையை  இரண்டாம் நாள் அணிந்திருப்பதன் தடயங்களைப் பொருட்படுத்தியதாயில்லை குழந்தைகளின் அதிகாலைகள்

எல்லாரும் நீங்கள் தான் நீ நீங்கலாக.

நிலவு தொலைவு நிலவு கறை நிலவு குறையும் நிலவை விடவும் நெருங்கியே இருக்கின்றன நின்று எரியத் தொடங்கும் குழல் விளக்குகள் சன்னல் கம்பிகளைத் தெருவில் கிடத்துகிறது அறையை மீறுமதன் வெளிச்சம் அதன் ஒளியில் அமர்ந்து நிலவை எழுதுகிறேன்.   

This summary is not available. Please click here to view the post.

ரெட்டை ஜடை வெள்ளை ரிப்பன் வெள்ளிக்கிழமை மட்டும் பூ கட்டங்களுடன் சட்டை குட்டைப் பாவாடை கருப்பு ஷூ உடன் வெள்ளை சாக்ஸ்க்குள் ஒளிந்தவாறு வெளியே தெரியாமல் கான்வென்ட் போகிறது புதுக் கொலுசொன்றும்.

கூரை வீட்டின் உள் நுழைந்தும் ஓட்டு வீட்டை உரக்கத் தட்டியும் விளையாடிக் கொண்டிருந்தது மழை மாடி வீட்டுக்காரன் பார்த்துக் கொண்டிருக்கிறான்.

நாய்க் குட்டிகள் மட்டுமே பரிச்சயமான குழந்தை முயன்று முயல் வரைந்திருந்தது.. கச்சிதமான காதுகள் சற்றே நீண்ட வால் மற்றும் கழுத்தில் சங்கிலியுடனும்.

எல்லாருக்கும் மின்சாரம் இல்லையென்ற கவலை.. உனதோ அந்த மின் கம்பத்தில் குருவிகள் தென்படவில்லையென்பதாய்..

தொட்டு விடாதே.. பட்டாம்பூச்சிகளுக்கு நடக்கத் தெரியாது..